वारी एका शिक्षकाची

 

 ना पालखीत दिसतो ना किर्तनात
विठ्ठल मला निरंतर *विद्यालयात* दिसतो...

जाऊ तरी कशाला वारीत पंढरीच्या
ज्ञाना तुका विठोबा जर *बालकात* दिसतो...

घेऊन लेखणीची हातात टाळ वीणा
तो सावळा *फळ्यावर* अन् *पुस्तकात* दिसतो...

हितगूज *पाखरांचे* वाटे अभंगवाणी
हा रोज संतमेळा मज *प्रांगणात* दिसतो..

खांद्यावरी पताका मी घेतली तिरंगी  
आभास विठ्ठलाचा मज *माणसात* दिसतो..



# पांडुरंग हरी.. वासुदेव हरी..🚩