*।।अपराधी।।* Save girl

*।।अपराधी।।*

*अपराधी तुम्ही का म्हणता*

*कोणता आहे माझा गुन्हा*

*मारू नका गर्भातच मला*

*मी घेणार नाही जन्म पुन्हा*

*तुमच्या वंशवेलीवर वाढेन*

*फुल बनून उमलीन मी*

*आधार तुमचा होईन*

*सुगंध तुम्हा देईन मी*

*आई होती तू मुलगी कधी*

*तू तरी मला समजून घे*

*समजावून सांग जगाला*

*जगात जन्मा मला येऊ दे* 

*बाबा होऊ नका अपराधी*

*तुमचाच मी आहे प्राण*

*येऊ द्या जगात मला*

*होऊ द्या माझा सन्मान*

*सुनीता,कल्पना होईन*

*भावासाठी बहीण होईन*

*समजू नका असं कधी*

*तुमचीच मी भार होईन*

*ही आर्त हाक माझी*

*स्त्रीविना आई नाही*

*समजून घ्या हो तुम्ही*

*तिच्याविना सूने जगही*

  *कवी -मारोती आरेवार गडचिरोली*✍

मो. न.-9403239435